香港新浪網 MySinaBlog
« 上一篇 | 下一篇 »
團長‧K~ | 16th Jan 2010, 01:10 | 感‧心 | (28 Reads)

你係支持, 定係反對?

睇到太多的論壇講呢個問題, 但..... 大家都只係為反而反.......

反高鐵: 反對用咁多錢起~
撐高鐵: 反的人唔睇長遠, 為反而反~

我個人支/反?!
我唔係草頭, 但真係唔知.....

起了, 有多少人, 有多少得益?
唔起, 又會有幾多影響?
改到錦上路, 又會有多少改變?

政府一路只有一個含糊的具體費用, 如:
1) 1.9億可以賠償47座受影響的大角咀居民, 但如何、怎去評估? 沒答案.....
2) 西九、佐敦的交通如何解決? 答:會慎重計畫 < 等如未知吧~
3) 當年覺得西九會較其他地方好, 但怎覺得? 如何評估, 上週鄭局長也沒正面答話.....
4) 將來得益每日五百多萬, 係估計, 但估錯呢? 機鐵、西鐵已經兩次估錯, 咁.....
5) 那五百萬每日的得益, 受益人為全港市民? 得益係經濟活動來的? 或有更多其他? 還是只有開設某些店鋪的才可受有? 一個挖路工人可以有嗎?
6) 計畫經長時間籌備, 咨詢則沒見多少時間, 那,......

當年地鐵反對聲音也很大, 但還是實行了, 現在全港大部份人都受惠, 可見當年所為甚是~
但, 高鐵, 會有多少人受惠呢?

馬鐵、西鐵當年受壓也大, 但我個人是會支持, 因為可以貫通香港, 便利不少住得偏遠的人, 也可使人們走進這些區域的門檻低了, 有利相對的經濟發展~又可使建築行業淡下的行程回溫, 增加就業人數及範圍~
但, 高鐵在西九, 只此一家, 整個新界中、北的市民, 用不到吧~ 那怕不是七成人口, 也該五成吧~
上水、粉嶺新界北的樓價近年上升, 大家都明白一個字:近~
但升到現在, 也沒有超過市區~
西九已是天價, 一個高鐵再加熱, 一般市民只可走遠吧?!
樓市再加熱, 會苦了一般市民, 還是令大家的財產升值呢?

看似我反, 但, 我又不讚成改到錦上路~
說實, 高鐵是方便人北上, 還是南下呢?
如果政府計畫給港人北上, 我想在旺角、油麻地或石峽尾會好點吧~ 美孚以北的會選落馬洲、羅湖過關吧?! 先到南下再北上太傻了~
以南的先到西九,再得行一個大運才到..... 港島居民或會, 觀塘等東九的, 轉港鐵到東鐵會快點吧~
看來,似南引多點~
如是, 西九就對了~ 各大名店應有盡有, 到尖沙咀、中環、銅鑼灣十分便利~ 絕對可以吸引經濟~
但..... 可以幫助多少香港人?! 與當局所說可為全港帶來得益, 有點離題吧?

政府如果可以明確點, 把幾個"決定性"的要素公開, 如: 選址基準、得益計算、賠償評估準則、受惠階層分佈、交通要點處理方案、次要/比較方案盈虧比對、興建與否的利益對沖比較、所用費用對整體香港經濟及儲備的影響、方案的急切性等, 如是合理的, 我想反對的聲音只會留下少數~ 不會是像現在的這般熱烈~

說實, 知道一點工程的內容, 開始工程後實質可以有會參與的工人不多, 因多是高技術人員, 如大型機械操作員, 結構鋼材焊接工, 有隧道工作經驗的混凝土工、扎鐵工...... 工人的要求不低, 一般的未必可以受聘, 對業界幫助不大~

現時停了的沙中線, 還有未定案的北環線對業界還能有幫助, 所以我個人支持先搞好內部交通樞紐, 才發展對外的高鐵吧~
如還要說興建經費會越來越高, 那麼, 請多給大家支持的理據吧~


[1]

我係反架, 你呢...??
如果響你屋企地底開洞仲唔知工程要做幾耐, 比你都反啦~

紫流
[引用] | 作者 紫流 | 17th Jan 2010 00:43 | [舉報垃圾留言]

[2]

高鐵是方便大陸人來往HK..而香港人並用唔著, 所以很多人都覺得664億實在是個大數字, 雖然話長遠會有回報, 但是對於住響附近既居民黎講未必係一件快樂的事, 等於我住將軍澳, 我一落樓行5分鐘就到TKO站, 但假設「高鐵」在「我」地底通過(先不計工程會不會令大廈造成危險先)興建時的這段日子, 居民不會安寧, 興建後亦不見得安寧, 長時間附近有大量旅客留連...轉車...在於佢地既角度黎講係應該反...

紫流
[引用] | 作者 紫流 | 17th Jan 2010 01:08 | [舉報垃圾留言]


我見過幾張工程圖則..... 講真, 對比之前馬鐵果d, 真係幾幫唔到建造業d乜.....
我唔贊成咁早起, 北環沙中呢d先有利本土經濟~

[引用版主回覆] | 作者 團長‧K~ | 17th Jan 2010 17:45