星期四晚上八點, 六個組裝貨櫃到晒地盤, 有五個已經接合完成~
第六個因為有其他配件, 只放到適當位置吧了~

星期五結構組合完成, 內部裝修開始~
電力設備老闆突然話要遲一個星期, 我已經將所有網線改位, 冇電, 我等同自斷手臂.....
好耐冇大聲同老闆發脾氣了.....

星期六(今日), 老細話老闆亂"吹", 會星期一搞好電力系統..... 頂~

今日手痕, 走去幫手裝修..... 家下衫都濕透.......
不過幾好, 郁動身體後精神好多~

好期待下星期搬回自己的寫字樓(現今借用人家的地方,十分不便)~~~

一如平常的日子, 他仍是傻乎乎的~

早上起床, 梳洗一下, 便出門上班了~

回到公司, 大大小小的事情他都努力著~

公司內, 大家都忙得不可開交, 因為年資較長, 他便成了眾人的倚靠;
大的小的, 所有問題都像要他審批似的, 使得他忘了休閒~
但因為工作氣氛和諧, 在大家的努力下, 所有工作都可以如期完成~

下班了, 平凡的他去到約會的地點, 與愛人共享晚餐.

一如平常的, 大家互道生活的各種各樣~

因為他的愛人剛轉了新環境, 所以有特別多的分享~
她一面的細說, 他一面的細聽~
標緻的面貌像在上演美妙舞蹈表演, 看得他陶醉~

到了一個骨節眼上.....

"那師兄讚我呀~ 說我是新人中最乖最可愛的噢~滿口甜舌滑噢~"

聽到別人盛讚自己的愛人, 心中那虛榮感湧上來!
任何人都可以見到他那有點"不可一世"的自負~~~ 表露以女友為傲的神情~~~ 那茂密的鬍子也遮掩不了的自信~~~

就在他們愉快享受晚餐的同時, 就在那骨節眼所出的一刻, 山林中, 一扇牢牢鎖上了多年的門上, 那沉重穩固的鎖, 像受驚似的猛然彈開~
在那沒有半點人煙的夜裡, 鎖子的聲音打破了寂靜, 嚇跑了已安睡的鳥兒們~

未見月兒的午夜, 一個腳步聲漸漸走近; 最後停在那已跳脫在地上的門鎖前~

吱吱吱吱......

重重的門給打開了~ 一個黑色的身影步進門內.
腳步聲數響, 一切似乎再平靜下來.

半响, 月從地平線爬了上來; 像是一個頑童, 要偷看那黑影的真面目~

淡白的光線從窗子透了進來, 一個猙獰的面孔給照得更為詭異, 像是為要帶來恐怖, 使見者喘不過氣.

長及至肩的頭髮、條理分明的眉睫、濃密有序的鬍子, 襯托著的不再是自負、不再是驕傲、不再是自信.....

光線終照亮了整個房間, 房內沒有什麼擺設, 只有桌子一張. 塵埃蓋上了的桌上只有一個小盒子, 小小的、光禿禿的沒有任何修飾.

注視著盒子, 猙獰像在思索著什麼.
時間在他而言, 像已停頓了~
他半點沒動, 有如一尊詭異雕像.

月漸半空, 光不再照亮房內, 猙獰漸漸變回黑影.
就在眼睛不再給照亮的一刻, 白色、褐色深淺清晰對比的眼球突變了, 分明不再, 只得一片冰冷紅光~

"咳咳咳..." 老人的聲音由已沉至漆黑的角落傳來.

"少主," 滿是縐紋的面孔在將消失的月光中步近.

"不要忘了盒子己擱在這多久了!"
"不要忘了當日為何把一切都放進去!"
"不要忘了曾對主子所下的承諾!"
"不要敗給自己的嫉妒"
"不要失去自我!"
"不要放棄已擁有的!"
"不要扼殺自己的將來!"

說著, 老人的聲音與面龐一併消失在月影之中.....

紅光亦消失, 留下分明的眼眸.....

黑影慢慢的把門關上.....

腳步聲漸漸走遠.....

當年的悲劇, 避免了重演的命運.....

已經到新地盤有一個月, 但日日早起都仲係未慣.....
連續十日都回家便睡,..... 個新地盤的文件處理系統仲未完成.....

就開工啦.....明日去睇新寫字樓的傢俱.....一個月內會開始動工.....
到時, 未做好, 就死得咯.....

希望幾日內可以完成.....

方法: 用天文台發放的資料, 由08-08-20,0800 開始, 到現在十時的資料, 用forecast的方法去預測一下往後的路線, 猜測八號、九號會幾時掛, 或者會唔會掛~

(可按圖放大)

做了個表, 以下就係小弟的預測:

8月22日, 上午9時30, 會掛9號(如果風速未減至預測的104公里);
8月22日, 中午1時, 颱風會最接近本港, 或會掛9或10號風球(如果風速未減至預測的98公里);
8月23日, 凌晨0時, 所有風球除下~
(註[time-16:30]: 香港位置的經緯度打錯了.....但只差十多公里, 所以下午1時會掛9號的推測只有不到一小時誤差)

===== 8月22日上午7時30分 =====

多了幾小時的資料, 預測較之前的更貼近天文台的公布!
以12小時為單位再預測一次(包括預測結果), 同之前只用頭38小時推算所有數值出入很大, 但似乎是較接近真實的數據. (註: 第一個表中, 香港的緯度引用錯了.....X﹏X )
跟據估計, 中午時分鸚鵡進入香港100公里範圍, 如風力加強, 可能會有更高風球出現~
另外, 下午八時, 鸚鵡最接近本港, 或可能正面掠過.
===== 8月22日上午7時30分 =====

===== 8月22日上午9時30分 =====

位置都OK喎~(0900)
===== 8月22日上午9時30分 =====

===== 8月22日上午10時30分 =====

===== 8月22日上午10時30分 =====

===== 8月22日下午02時00分 =====
跟據0730及0930張表, 颱風會係下午1時進入100km範圍, 風速有過100km/h, 有機會掛九號風球~
天文台係下午1時40分懸掛9個烈風訊號!
===== 8月22日下午02時0分 =====

===== 8月22日下午04時00分 =====

跟據天文台資料(黃底標註), 推算颱風會係下午六時登陸, 之後所有推算要專業人士先識啦.....
不過, 可見用"線性"公式, 或多或少都可以推測到某些自然現象~
===== 8月22日下午04時00分 =====

先講感受~ 今次的表演, 從表現的編排、參與人員的投入齊整、所使用的視覺效果、過場的手法等, 我怕自己的感受會被視為過於自我渲染, 因為看過幾屆的開幕表演, 但今次北京的, 實在太多地方可以用來把之前的比下去~
在開首的表演, 我最佩服在奏國前那小妹妹的演唱! 一個小妮子, 在沒旁人之下面對數萬觀眾獻唱, 近鏡還看出沒半點害怕, 真的棒透了~
跟著的太極操也使看得目定口呆~
不是因為是在自己的國家舉行所以要加點分數, 但真的感到有點"目不暇給", 完完全全給畫面攝去了~

其實真的給攝去了? 不. 因為電視台"太照顧"了, 時時把我帶回來~

在家中, 可以收看到的, 只有慣常的那幾個台.....
中文的, 可以看T台給A台; 英文的我只收到T台.....

先講A台. 看了只消數秒, 我便忍不住轉過別的, 因為主持人的對話有點"太離題"了~ 是何等離題? 對不起, 我已自動忘記了.....
再講T台. 幾位主持人"很熱心"的為觀眾"講解", 但第一, 某女持聲浪過大, 像平常旁述運動節目一樣, 完全蓋過了背景音樂..... 與殺死那段表演一樣..... 又, 有時還刹有介事的為大家講出任何人都可以見到的畫面, 像是"大家而家見到果個書卷向外打開緊...." 我想, 我是明眼的人, 說了的我難道還不會看??? 又, 他們會用像是讀報的聲調說出有關的"文句", 我想, 你不說, 氣氛還好點..... 不過, 我幾欣賞李先生那兩次的"引經", 像是誦讀般, 較其他的給到人家知道他是用心去讀的~
最令人側目的, 就是: "有朋自遠方來, 不則樂乎" 原來是孔子的"詩句"..... (我讀工程讀壞了腦???)

最過份的, 我想是在活版印刷那段!!! 開首我覺得那些"字粒"的活動是由液壓系統推動的, 但主持人突然講句: "D字粒唔係用機器推動架, .....(頓了, 我想他己知道自己漏咀了), 等下你就知道幾特別....."
嘩, 你這麼的說, 除了腦筋沒了一半, 我想也知道是有人在下面推動的吧..... 當下我險些打破了電機.....

還有太多太多的了..... 但因想先填肚再發文章, 所以飯後己把部份"消化"了, 不再回憶起來!

電視台呀電視台, 可以醒醒嗎? 這麼的大型節目給這麼的玩弄, 實在......

如非英文台感受不同、珠江電視台接收不良, 我相信我不會留在貴台收看.....

(看過點聖火後)
嘩, 大家好有興趣知道主持人的生平?
T記的體育主持係咁講自己訪問過邊個邊個,又入行咁邊個邊個係全盛時期.....
又, "價值係好高", 原來係"唔可以用價值嚟形容".....
再, 八個持旗手(奧運旗), 原來得兩個出名??? D主持只係識2個??? 其他果D係高度機密???事前冇得做預備功夫???真係頂唔住, 轉咗去A台, 哦, 人家仲識多兩個(我聽到好詳細講往績).....
D運動員見到自己係螢光幕上到鏡, 係度興奮咁跳, 但又講係"中國運動員特別興奮".....頂, 真係用心睇住都明啦~睇下佢地D小動作就知佢地注視自己係個螢光幕出現..... 好多其他國家運動員都係咁啦..... 小小觀察力都冇.....
仲有好唔專重個節目, 一路睇, 一路聽到閃光燈回電聲..... 你係影, 都行遠D啦.....
咪後D聲又成日好似烏蝿咁"WIWIWI", 煩到.....

D字幕又係..... 唔係個個嘉賓會有介紹字幕.....

做節目, 仲要係咁大型、國家性的, 可唔可以專業D呢???

唉..... 唔係其他台好多鬼影, 真係睇你都傻.....

BTW, 徐嘉諾, 真係好勁~ 有晒準備, 唔似其他"專業主持".....

今日係收音機聽到一段訪問, 有家長為子女通宵排隊"撲"中六學位; 但係八號風球係早上未到六時已經掛起, 佢地因為排隊已經"通咗頂", 覺得校方應該要"做野", 特別安排登記~

好一個(痴線)道理!!! 細路都知打風要留係安全地方, 佢地自己唔顧自己安全不突止, 仲要校方派人特別處理.....
你自己都覺唔多妥, 人家係安全地方反而要專登走去危險之地??? 冇病呀???
你係人, 人家都係人啫~
中六係睇成績, 唔係先到先得, 你係好成績, 第一、二輪已經有位啦~
自己唔掂, 要等到第三輪, 咁, 打風, 你都要係安全地方掛??? 你唔做, 仲要人地陪你去死???過份咗好多喎~

驚, 咪一落風又走去排囉~ 做乜要人地為你呢d"未夠資格"的特別服務呀???
成績好都唔係大晒啦~仲要係唔好.....
睇下呢d家長, 就知點解個小朋友比較人地差啦.....
自身都有點"冇腦", 點可以比到正確觀念下一代??? 好心咪生, 唔好害人啦~

好似有網友係第二個網誌留言一樣感想: 咁唔用腦, 讀中六似乎真係未夠資格~
自身基本常識都不足, 唔好浪費個學額啦~

香港真係畸咗形, d人乜都排一餐, 仲要以為排到有寶..... 乜都排, 唔係咩都可以先到先得架.....

話說小弟當年都係第三輪先有中六學位, 咁, 自己技不如人就係技不如人; 當時落住大到行唔到0既大雨去等學位, 雖然都係好想"撲"到, 但安全要緊, 所以我都以安全方式返學校等~
如果有人話: "你都唔明撲學位果d滋味", 對唔住, 我真係唔夠分, 重讀又唔收, 亦撲唔到學位, 要係原校等"死亡通知", 等足四日, 那般滋味, 仍然好似只係係眼前.....
但, 家母一知我成績, 己經有晒心理準備, 亦都比晒可以做的方法我去試, 叫我唔好比自己太大壓力, 一切順其自然, 其他只係等~
反而, 我個心仲安定, 可以放鬆面對; 我仲記得我有周圍安慰其他一齊等的同學~ 叫佢地放鬆, 叫d女同學唔好緊張、唔好喊~ 我仲用我個一等⁽¹⁾中文科成績逗佢地笑~~~

回頭看, 呢d所謂緊張仔女的家長, 唔該, 再用多點腦筋想想啦..... 唉..... 唔好引人發笑啦~

(註⁽¹⁾ - 小弟第一年考會考, 中文科成績係..... 全班唯一的一個.....U)

(閱讀全文)

話說為方便維修電腦, 又唔想花公司太多錢, 攞咗自家的external harddisk回公司轉移所有有用的資料後重灌所有電腦, 但因公司地方唔太方便工作, 便拆下電腦的硬碟回家~

接上usb|ide介面, 原本想只轉到自家的電腦吧了, 懶得又再接上外置, 但知道了超過10gb的資料要轉移, 所以只得"死死地氣"接上吧~
電源一接, usb線未接上, 突然聽到硬碟"唱歌"..... bebubebubebu.....
問了人, 想信是"讀針"移位了.....

噢.....撈.....
我自家的相、公司的所有資料.....沒了.....

但, 細心想想, 公司的資料, 在火炭的伺服器有約七成, 可說大幸..... 但再找, 其實死了的硬碟所有資料, 一早己有備份係家中電腦.....
即是, 公司的資料大都齊全.....(除了近幾個月的相片、影訊短片)

我自己的呢..... 因去年六月做了次全機重灌, 所以.....
由去年六月至今的相片、自拍片段、外快存根、個人資料、3D圖示範、網頁source code..... 全都沒了.....

嗚吖~~~~~

相片, 我還剛做好了分類, 準備了燒碟備份..... 做一個星期做了, 家下就唔使欲哭無淚.....

因為新工程規模都較現在的大, 任何職級都要增加人手~ 工程師當然不會例外~

老細與上司在我的工作間討論, 由新工程的大小、資金的流動、人手及工序的分配等等, 都一一的討論. 到了工程部要增加成員, 老細突然彈出一句:
"吖, 我諗住叫之前果個呀乜水喎, 佢係civil底, 又識做method statement, 又做到qs, 仲可以睇下工程添; 不過就要貴d, 人工都要兩萬幾架....."

嘩, 多才多藝喎..... 兩萬幾, 可以成個地盤都做到, 物有所值啦~

這麼想, 正常, 但.......

我唔識做qs的工作, 但其他的資歷是相同的吧(可能對方有學士學位|我沒有).
另公司上下的圖則, 現在大多是我一手包辦; 自己地盤的、大判的無聊設計、大老細另一個分支的搬運工具、老細心血來潮的花巧工件、三老細的創意發明等等, 上至設計草圖, 下至審批入則及技術計算都會(大部份)出於我手..... 無大賺都有小賺吧.....

人家就未接洽落實已預留兩萬多的薪酬, 我..... 距離二萬還有一大段路..... 凍薪四年, 從未有討論作出任何調整.

這麼的對話、意向, 全不介意、毫不保留的送進我的腦內.....
真的不明白..... 他是開通??? 還是無視我的存在???
當日interview我的、加我人工的正正是老細他自己本人..... 沒理由會忘了我的薪金水平吧?!

他是給我訊息, 叫我做好準備另謀高就, 還是給我知道我只不過是一個值萬多的工人一名.....

我的薪酬一向在相約經驗、學歷的朋輩中是偏低的, 但在公司做得開心、人事關係好融洽, 所以我少有的向任何人"發牢騷", 但今次真的....... 好氣結、心火上升至自焚邊緣了.....

因老細對我不薄(除了人工), 如果薪酬真的沒上升空間, 我想在工程進入軌道後, 只好另謀出路..... 俗語有云:"魚唔過塘唔得大", 我都是時候想想日後的路了.....

原本已著手為工程設計一套可以方便在任何地方都可以取得資料的"數據庫系統", 用xml+javascript做到不用靠server side programme去讀取工程資料、圖則、書信、電郵、工程相片等(雖然到時文員小姐將會多了很多database的資料輸入), 但, 心突然的冷了..... 可能系統的完成將會遙遙無期.....
原先己開始為公司重新編輯網頁(因之前公司的伺服器報銷了, 網頁也沒了), 也完成了約四成, 但, 我想不當作是"外快"另給我酬金, 那網頁面世之日將永不到來(另謀設計師吧).....
原先己開始了為新寫字樓做的3D設計圖則(方便施工及做宣傳), 我想面世之日, 會是"數據庫系統"重新開始編寫之時~

都打得幾認真, 好有水準~

工程浩大、複雜很早已知~ 但當中的細節看著看著, 十分吸引~

(MSB食咗我下面d字呀..... 家下,080731:0930我先知咋..... 我都忘了昨夜打了什麼.....)

[簡短版]
外國節目有中文字幕:正常;
中國人為外國節目做訪問講英文:正常;
中國人講d都ok聽得明的英文,但竟然有黃色字的英文字幕:有冇搞錯.....
[/簡短版]

又唔係真係咁難聽, 又唔係聽唔明, 為乜要幫中國人的英語配上字幕.....
係咪歧視???

一句, 今個任務完成了~
一句, 下個任務開始了~

要早點起床了~
新地方新開始~

(不過, 明日放假陪女友, 後日先啦~嘻嘻~)

保安集體劈炮翹起奧馬
2008-07-24
【東方日報專訊】奧運馬術比賽尚餘十六日便在本港展開，但大批比賽場地外判保安員正醞釀「劈炮」潮，隨時嚴重削弱場地的保安能力。有奧馬場地外判保安員向本報力數工作條件惡劣五宗罪，待遇連狗不如，又指當中不少更是短期合約員工，由學生、主婦拉雜成軍(1)，只需七日通知便可離職，不少難忍苦況的同僚表明下月初出糧後辭職，時間上接近奧馬賽事開鑼，有關方面勢難極速補充保安人手，場地保安堪虞。 奧運馬術賽分別在沙田及上水雙魚河比賽場地舉行，分別由多間外判公司負責外圍及場內保安工作，合共有保安員約三百多人。其中一間外判公司有保安員向本報表示，他們共有至少一百多人，均以短期合約形式聘用，七月初正式上班，不少更是散工。 上班安檢「搞咗成個鐘」 有在沙田場地工作的保安員力數奧馬場地工作條件惡劣。首先，是安檢時間表，員工每天工作九小時或十二小時，但每日上班進入場地時，需要接受嚴密保安檢查程序，「又check（檢查）袋，又過機，逐個逐個查，搞咗成個鐘。」(2) 其次，則是經常超時工作，由於交更安排繁複混亂，令每天收工時間較原定遲，很多時遲兩個鐘，甚至遲成三、四個鐘。有員工投訴指公司從無交代會否有「超時補水」，加上不同外判公司的薪酬水平不同，令員工怨聲載道。 又有上水雙魚河場地保安員則投訴，雙魚河場地內雖設有多個流動廁所，但長時間被鎖上，數百名工作人員主要使用近後門的廁所如廁，不時令廁所大排長龍；於山上站崗的保安員，如廁來回更需要一小時，不少人惟有「死忍」，每日只如廁一次，有人更就地解決。該名員工直斥有關安排極不人道。此外，也有員工投訴當值時不准戴太陽眼鏡和同工不同酬。 表明下月初出糧後離職 多名員工異口同聲謂，「呢份工咁辛苦，唔係人做」，聲稱身邊有數十名保安員已表明，下月初發薪後「劈炮唔撈」；又指奧馬保安員入職前須「驗明正身」，更須由北京奧組委批准並發出工作證，「如果咁多保安員臨奧馬先唔做，想搵其他人都搵唔切，到時都唔知點算，奧馬實會有影響。」 馬術公司發言人則回應表示，保安員由保安公司聘請，馬術公司今日會約見保安公司了解情況。不過，據悉，馬術公司認為保安業界良莠不齊，不排除有人乘機搞事，即使有大批保安員離職，亦會由警方頂上。(3) 香港物業管理及保安職工總會組織幹事李凱透露，已收到數名奧馬外判保安員求助，不滿經常超時工作及場內廁所嚴重不足，他會再向其他員工了解情況，並向保安公司及奧馬公司交涉，促請有關方面盡快改善工作情況。

在網上見到這段新聞, 先不去排除當中有部份會與事實有點差異, 但空穴來風.....
香港今次辦這樣大型的活動, 還要是祖國的名義下, 有任何差錯都會是丟自己的面、有損國體.....

舉辦馬術項目, 因地理、經驗, 香港是可以做得十分稱職的!
馬會常舉行世界性的比賽, 經驗不會是一個問題! 所有協調工作都應十分清楚! 上至招待各參賽選手, 下至場地清潔該有足夠的經驗~

保安的一環, 相信一般的賽馬比賽與奧馬該相差不大~
但, 為何偏偏會出了這麼的空穴來風呢?

在那段文字中, 我特別著眼看到三個問題:

(1)
保安工作, 政府多年前已立例要合資格的人土才可到任! 學生、主婦, 我不是否定他們獲得"白卡"(保安員許可証)的資格, 但, 一個世界性的比賽, 不足夠經驗的人我想不能勝任了吧?! 但他們卻又得到了有關工作, 這, 外判公司的選才、監察能力真的不可接受~ 為何不認為這個著眼點會是"子烏虛有"呢? 因為之前在好些論壇又見網友們討論入職的種種~ 如何當時他們已是瞎扯的, 那"背後"的"設計師"可謂計劃周詳了~

(2)
檢查的程序我想是不可避免的, 但, 依我看來, 那設計保安程序的一伙人真的只願在空調房間做事.....
小弟有幸都在建築期間因工事入內參加會議, 次數都不下十次, 場地方面我相信不算是"無知"吧~
隨身物品, 因要避免會影響場內一切設施, 要進行檢查是不可避免; 但, 如果工作人員可有個位於"場外"的儲物地方, 還可在那裡更換工作服, 檢查, 便只需十分少的時間了~
相信到時可能進入的物件只會有工作人員的貴重物品, 如錢包外, 只會是"一眼看清"的吧, 那末十數秒該能完成吧~ 盡管有多逹三百位工作人員, 還同時到場工作, 以一分鐘十個檢查計算, 不用半個小時吧~
至於那儲物地方, 其實賽事只舉行一段短時間, 在銀禧再撥地方暫時改建, 或在進口附近再加建是有可能的~那麼, 問題便可解決了吧~

(3)
這可算是天下間的一個大笑話~
保安公司負責保安的, 但, 作為一個舉辦活動的機構, 真的可以不作任何的監管???
一句"良莠不齊", 真的沒有了責任?
如你是一間食店老闆, 請了一個廚師, 他有自己的副手"執單", 客人們及侍應們向你投訴"執單"常弄錯菜式與次序, 你可以一句:[執單好多人都做得, 呢行好"良莠不齊"啫~]就可以留得住客人, 留得住好員工??? 到時還要侍應們接手執單的工作, 這可以的嗎???
警方在場相信是維持治安, 防止大型事故, 非負責保安工作~"即使有大批保安員離職，亦會由警方頂上。"這句話是一個有管理思維的人說的嗎???

為何近年常有公共活動的負責機構/外判公司出現管理、行政、策劃的問題???
是否政府需要重新審批、監察所有這些機關及外判機構呢???
是否政府內部都有著嚴重的漏洞呢???
再不改善, 就算有再多的什麼什麼改善民生的計劃, 民心對政府的信任只會越來越少.....

之前都係用相機jpg直出, 今次用RAW+JPG, 發現雖然RAW的檔都十分大, 今次多數9MB, 但效果可以自由調校, 就好似用黑房般~
之前因不太懂用CANON送的"Digital Photo Professional", 但用多幾次後有點點搞得到..... 所以特別用DPP出一張再同JPG直出做個比較~

RAW:-

JPG直出:-

當時窗外景緻:-

(睇返, 都影咗廿張先得兩張ok, 上面果張個對焦/光度/清晰度係最好的一張~
好想有支大焦距的鏡再影~)